LECTURA DIXITAL

  O alumnado de 3º estamos aprendendo a utilizar a Plataforma de libro electrónico incluída no Proxecto Lectura dixital ELBE.2.

Familiarizándonos con esta plataforma, sabemos buscar un libro por autor, editorial, ano de publicación, para a idade recomendable...                                                      

  Unha vez que atopamos o libro que buscamos só temos que premer sobre o título para ler o seu argumento.                            

  Se nos interesa, podemos ler as primeiras páxinas coa vista previa. Unha vez convencidos de que é o que buscábamos, non temos máis que solicitalo en préstamo e xa será noso por 15 días.

Dombate

   O xoves 31 de maio visitamos Dombate. Estivemos no dolme, onde escoitamos unha explicación sobre as súas características máis destacables: época de construción, finalidade, elementos...

  Logo, no centro de interpretación, visualizamos unha película que reproducía a vida na prehistoria. Máis tarde, asistimos a un obradoiro de "Música na prehistoria" no que, ademais de coñecer ferramentas da época e distintos instrumentos musicais, poidemos elaborar a nosa "bramadoira".

COAS MANS BALEIRAS

O alumnado de 3º, xunto cos compañeiros de 1º, 2º e 4º EP e coa axuda dalgunhas mestras, elaboramos esta curtametraxe mediante a técnica de stopmotion. 

   A curtametraxe está baseada no libro do mesmo título da editorial OQO, e fíxose dentro do programa de dinamización lingüística Nós tamén creamos!

HOXE COCIÑAMOS NÓS

Ensaiando o "reguetonema"

Achégase a "Festa da poesía" e estamos ensaiando o poema que compuxemos entre todos os compañeiros da clase. Como trata do reguetón titulámolo "Reguetonema". Escoita a ver que che parece.

PRESENTACIÓN DO REGUETÓN

Continuando co noso labor de investigación sobre o reguetón, presentamos este traballo. Todos os compañeiros do cole pasaron pola aula de 3º para aprender algo máis sobre este xénero musical. Agardamos que vos guste.

Avión lego 2

Xa podemos achegarnos, observalo preto de nós e aclarar algunhas dúbidas. Grazas, Luc.